விம்பிள்டன் டென்னிஸ் போட்டி | போலந்தின் இகா ஸ்வியாடெக் – அமெரிக்காவின் அமாண்டா அனிசிமோவா மோதல் !
விம்பிள்டன் டென்னிஸ் போட்டியின் மகளிர் ஒற்றையா் இறுதிச்சுற்றில், போலந்தின் இகா ஸ்வியாடெக் – அமெரிக்காவின் அமாண்டா அனிசிமோவா பலப்பரீட்சை நடத்தவுள்ளனா்.
விம்பிள்டன் டென்னிஸ் போட்டி லண்டனில் நடைபெற்று வருகிறது. இதன் இறுதி போட்டி இன்று நடைபெற உள்ளது. இதில் மகளிர் ஒற்றையா் அரையிறுதிச்சுற்றில், போட்டித்தரவரிசையில் 8-ஆம் இடத்திலிருக்கும் ஸ்வியாடெக் 6-2, 6-0 என்ற நோ் செட்களில் மிக எளிதாக, சுவிட்ஸா்லாந்தின் பெலிண்டா பென்சிச்சை தோற்கடித்து இறுதிச்சுற்றுக்கு முன்னேறினார்.
இதனிடையே, மற்றொரு அரையிறுதியில் அனிசிமோவா 6-4, 4-6, 6-4 என்ற செட்களில், உலகின் நம்பா் 1 வீராங்கனையான பெலாரஸின் அரினா சபலென்காவை 2 மணி நேரம், 37 நிமிஷங்களில் வீழ்த்தி இறுதிச்சுற்றுக்கு முன்னேரினார்.
இன்று நடைபெறவிருக்கும் மகளிர் ஒற்றையா் இறுதிச்சுற்றில், போலந்தின் இகா ஸ்வியாடெக் – அமெரிக்காவின் அமாண்டா அனிசிமோவா ஆகியோர் பலப்பரீட்சை நடத்தவுள்ளனா்.
இருவருமே விம்பிள்டன் இறுதிச்சுற்றுக்கு முன்னேறியது இதுவே முதல்முறை என்பதால் ஆட்டம் விறுவிறுபாக இருக்குமென எதிர்பார்க்கப்படுகிறது.
