சிலம்பரசன் TR நடிப்பில் ‘அரசன்’ படத்தின் அடுத்த கட்ட படப்பிடிப்பு விறுவிறுப்பு!
தமிழ் சினிமாவின் முன்னணி நட்சத்திரங்களில் ஒருவரான சிலம்பரசன் TR (சிம்பு) நடிப்பில், தேசிய விருது பெற்ற இயக்குநர் வெற்றிமாறன் இயக்கத்தில் உருவாகி வரும் ‘அரசன்’ திரைப்படத்தின் அடுத்த கட்ட படப்பிடிப்பு தற்போது விறுவிறுப்பாக நடைபெற்று வருகிறது.
சமீபத்தில், சிலம்பரசன் தனது சமூக வலைதள பக்கத்தில் படப்பிடிப்பு தொடர்பான பிரத்யேக புகைப்படத்தைப் பகிர்ந்துள்ளார். இதனால் ரசிகர்கள் மிகுந்த உற்சாகத்தில் திளைத்து வருகின்றனர்.இத்திரைப்படத்தில் சிலம்பரசன் TR முக்கிய கதாபாத்திரத்தில் நடிக்க, விஜய் சேதுபதி, ஆண்ட்ரியா ஜெர்மியா, சமுத்திரக்கனி, விக்ராந்த், கிஷோர், சைத்ரா ஜே. ஆச்சார் உள்ளிட்ட பல முன்னணி நடிகர்கள் இணைந்துள்ளனர். இது வடசென்னை சினிமாடிக் யுனிவர்ஸின் ஒரு பகுதியாக உருவாகி வருவது குறிப்பிடத்தக்கது.அனிருத் ரவிச்சந்தர் இசையமைக்கும் இந்தப் படம், கிரைம் கலந்த ஆக்சன் திரில்லர் வகையைச் சேர்ந்தது. வி கிரியேஷன்ஸ் சார்பில் கலைப்புலி எஸ். தாணு தயாரிக்கிறார்.
முதற்கட்ட படப்பிடிப்பு அண்மையில் நிறைவடைந்த நிலையில், தற்போது இரண்டாம் கட்ட படப்பிடிப்பு சென்னை தி.நகர் மற்றும் அதன் சுற்றுப்புறங்களில் தீவிரமாக நடைபெற்று வருகிறது. முதல் கட்டத்தில் மதுரையில் நடைபெற்ற படப்பிடிப்பில், சிலம்பரசன் ‘மதுரை டைகர்’ என்ற கதாபாத்திரத்தில் கபடி வீரர்களுக்கான சீருடையில் நடித்திருந்தார்.குறிப்பாக, இப்படத்தின் கதையை இயக்குநர் வெற்றிமாறன் ‘பொல்லாதவன்’ படத்திற்கு முன்பே (2003-இல்) எழுதி முடித்திருந்ததால், படப்பிடிப்பு வேகமாக நடைபெறுகிறது.
இதனால், இந்த ஆண்டின் இறுதிக்குள் (2026) திரையரங்குகளில் வெளியாகும் வகையில் திட்டமிடப்பட்டுள்ளது.ரசிகர்களின் எதிர்பார்ப்பைப் பன்மடங்காக்கும் இந்தக் கூட்டணி, தமிழ் சினிமாவில் பெரும் சலசலப்பை ஏற்படுத்தி வருகிறது!
