தே.மு.தி.க. பொதுச் செயலாளர் திருமதி. பிரேமலதா விஜயகாந்த் அவர்களின் தாயார் மறைவு: அரசியல் தலைவர்களின் ஆழ்ந்த இரங்கல்கள்!
தேசிய முற்போக்கு திராவிட கழகத்தின் (தே.மு.தி.க.) பொதுச் செயலாளர் திருமதி. பிரேமலதா விஜயகாந்த் அவர்களின் தாயார் திருமதி. அம்சவேணி அவர்கள் உடல்நலக் குறைவால் நேற்று (அக்டோபர் 6) காலமானார். இவரது மறைவு, கழகப் பொருளாளர் திரு. எல்.கே. சுதீஷ் அவர்களுக்கும் பேர்துயரை ஏற்படுத்தியுள்ளது. தே.மு.தி.க. நிறுவனத் தலைவரும், திரைப்பட நடிகரும், முன்னாள் எதிர்க்கட்சித் தலைவருமான கேப்டன் விஜயகாந்த் அவர்களின் துணைவியான பிரேமலதா அவர்கள், கட்சியின் முக்கிய பொறுப்புகளைச் சிறப்பாகக் கையாண்டு வருகின்றார். அதேபோல், கட்சியினை வலுப்படுத்தி வரும் சுதீஷ் அவர்களும் கழகத்தின் முக்கியத் தூணாகத் திகழ்கின்றார்.
அவர்களின் தாயார் மறைவு, தமிழக அரசியல் அங்கணத்தில் பெரும் அதிர்ச்சியையும், வருத்தத்தையும் ஏற்படுத்தியுள்ளது.இந்தத் துயரச் செய்தி அறிந்ததும், தமிழகத்தின் முக்கிய அரசியல் தலைவர்கள் தங்கள் ஆழ்ந்த இரங்கல்களைத் தெரிவித்துள்ளனர். குடும்பத்தினருக்கு ஆறுதல் தெரிவித்து, அன்னாரின் ஆன்மா சாந்தியடைய இறைவனைப் பிரார்த்தித்துள்ளனர். இந்த இரங்கல் செய்திகள், தே.மு.தி.க. கட்சியின் தலைவர்களுக்கும், அவர்களது குடும்பத்தினருக்கும் அளிக்கப்பட்ட ஆறுதலாக அமைந்துள்ளது.
இரங்கல் தெரிவித்த முக்கிய தலைவர்கள்:
மு.க. ஸ்டாலின் முதலமைச்சர் (திமுக)
கனிமொழி கார்த்திகேயன் திமுக. மாநிலங்களவை உறுப்பினர்,
எடப்பாடி கே. பழனிச்சாமி அதிமுக பொதுச் செயலாளர்
எல். முருகன் மத்திய இணையமைச்சர் (பாஜக)
நயினார் நாகேந்திரன் பாஜக தமிழ்நாடு மாநிலத் தலைவர்
டாக்டர். எஸ்.டி. பிரேம் குமார் பாஜக மருத்துவ அணி மாநில ஒருங்கிணைப்பாளர்,மேலும் சில அரசியல் தலைவர்கள் நிர்வாகிகள் மற்றும் நடிகர்கள் இரங்கல் தெரிவித்துள்ளனர்
இந்த இரங்கல்கள், சமூக ஊடகங்களிலும், அதிகாரப்பூர்வ அறிக்கைகளிலும் வெளியிடப்பட்டுள்ளன.தமிழக முதலமைச்சர் மு.க. ஸ்டாலின் அவர்கள் தனது அதிகாரப்பூர்வ இணையதளம் மூலம் முதலில் இரங்கல் தெரிவித்தார். அதிமுக தலைவர் எடப்பாடி பழனிச்சாமி அவர்களும் துரிதமாக ஆறுதல் செய்தியைப் பகிர்ந்தார்.பாஜக தரப்பிலிருந்து மத்திய இணையமைச்சர் எல். முருகன் மற்றும் மாநிலத் தலைவர் நயினார் நாகேந்திரன் ஆகியோர் தங்கள் இரங்கல்களைத் தெரிவித்தனர். திமுக. தரப்பிலிருந்து கனிமொழி அவர்களும் ஆழ்ந்த உருக்கத்துடன் இரங்கல் தெரிவித்தார்.
அம்சவேணி அவர்கள், தனது பிள்ளைகளான பிரேமலதா மற்றும் சுதீஷ் ஆகியோருக்கு அளித்த பெற்றோர் பாசம் மற்றும் வழிகாட்டல், அவர்களின் அரசியல் பயணத்தில் முக்கியப் பங்காற்றியுள்ளது.தே.மு.தி.க. கட்சி, 2005ஆம் ஆண்டு கேப்டன் விஜயகாந்த் அவர்களால் நிறுவப்பட்டது. இக்கட்சி, தமிழ்நாட்டு அரசியலில் முக்கிய இடத்தைப் பெற்றுள்ளது. பிரேமலதா அவர்கள் 2023இல் பொதுச் செயலாளராகப் பொறுப்பேற்றபின், கட்சியை மேலும் வலுப்படுத்தி வருகின்றார். இந்த மறைவு, தே.மு.தி.க. கட்சியினருக்கு மட்டுமல்லாமல், தமிழக அரசியல் மற்றும் திரையுலகிற்கும் பேரிழப்பாக அமைந்துள்ளது. அன்னாரின் ஆன்மா சாந்தியடைய எல்லா இறைவன்களையும் பிரார்த்திக்கிறோம்.
