அதிரடியாக குறைந்த வணிக சிலிண்டரின் விலை -மகிழ்ச்சியில் வணிகர்கள் !
கடந்த இரண்டு வருடங்களாக ஏறு முகத்தில் இருந்த சிலிண்டரின் விலை தற்போது அதிரடியாக குறைந்துள்ளது.
இந்தியாவில் சர்வதேச சந்தையில் நிலவும் கச்சா எண்ணெய் விலைக்கு ஏற்ப பெட்ரோல், டீசல் மற்றும் சிலிண்டர் விலை நிர்ணயிக்கப்பட்டு வருகிறது.
அதன்படி பெட்ரோல், டீசல் விலை தினமும், சிலிண்டர் விலை மாதம் தோறும்சூழலுக்கு ஏற்ப மாறுவது வழக்கமான ஒன்றாகும். அந்த வகையில் ஒவ்வொரு மாதமும் முதல் நாளில் சிலிண்டர் விலை நிலவரத்தை எண்ணெய் நிறுவனங்கள் தொடர்ந்து வெளியிட்டு வருகின்றன.
இந்நிலையில், இந்த மாதத்திற்க்கான அறிக்கையை எண்ணெய் நிறுவனங்கள் சிலிண்டர் விலை நிலவரம் குறித்து வெளியிட்டுள்ளது. அதன்படி தற்போது வணிக பயன்பாட்டு சிலிண்டரின் விலை அதிரடியாக குறைந்துள்ளது.
தமிழ்நாட்டில் 19 கிலோ எடை கொண்ட வணிக பயன்பாட்டுக்கான சிலிண்டர் விலை ரூ.25 குறைந்து ரூ.1,881க்கு விற்பனை செய்யப்படுகிறது.வீட்டு உபயோக கேஸ் சிலிண்டர் விலை மாற்றமின்றி ரூ.818.50-க்கு விற்பனையாகிறது.
அதை தொடர்ந்து, கடந்த மார்ச் மாதம் விலை உயர்ந்த நிலையில் கடந்த 2 மாதங்களாக அதிரடியாக சிலிண்டரின் விலை குறைந்துள்ளது குறிப்பிடத்தக்கது.
