போஸ் வெங்கட், கானா உலகநாதன், ஆடுகளம் முருகதாஸ் கூட்டணியில் ‘ஐயம்’!
இலங்கையிலிருந்து வாழ்வாதாரத்தைத் தேடி நமது மண்ணை நம்பி வரும் ஒரு குடும்பத்திற்கு இங்கு இழைக்கப்பட்ட அநீதிக்குத் தீர்வு காண்பது போன்ற சில உண்மைச் சம்பவங்களை அடிப்படையாகக் கொண்டு உருவாக்கப்பட்டு வரும் திரைப்படம் ‘ஐயம்’.
செந்தில் ஆண்டவர் மூவிஸ் சார்பில் ஈஸ்வரன் விஜயன் தயாரிப்பில் ந. வசந்த் இயக்கி வருகிறார்.பாலாஜி, ரெய்னா கரட் ஆகியோர் கதாநாயகன், கதாநாயகியாக அறிமுகமாகிறார்கள்.போஸ் வெங்கட், கானா உலகநாதன், ஆடுகளம் முருகதாஸ் ஆகியோர் முக்கிய கதாபாத்திரங்களில் நடிக்கின்றனர்.
மேலும், தீபா சங்கர், கே.பி., ஒய். வினோத், மிப்பு, ரஞ்சன், விஜய் கணேஷ், கிரேன் மனோகர், யாசர், சுப்ரமணி, டி.என்.ஏ. விஜயலட்சுமி ஆகியோரும் நடிக்கின்றனர்.இப்படத்தின் படப்பிடிப்பு பெங்களூர், ஒசூர், தூத்துக்குடி, ராமேஸ்வரம், சென்னை ஆகிய இடங்களில் 40 நாட்கள் நடைபெற்று, இறுதிக் கட்டப் படப்பிடிப்பை நெருங்கி வருகிறது. நிருபர்: ஜெ. துரை
